ERA Car Mercedes-Benz Sprinter HK Police Car

【警車之選】ERA Car Mercedes-Benz Sprinter HK Police Car

ERA Car一推出就造成熱話的車仔,淨係預售都已經有唔少訂單,究竟呢架車仔有啲咩咁厲害?

ERA Car Mercedes-Benz Sprinter HK Police Car

Mercedes-Benz Sprinter型號用途廣泛,可以話係全方位照顧到大家既需要。就連香港警務處都睇中左佢既優點,引入做緊急用途車,你就知道佢有幾咁「百搭」。今次ERA Car推出左Mercedes-Benz Sprinter HK Police Car,預售個時就已經造成熱話,亦有人話係ERACar系列當中最貴的車仔,究竟佢有咩咁「巴閉」呢?

首先同大家介紹Sprinter背景,其實Sprinter系列已經擁有超過20年歷史,而憑著它可靠、快捷和高效率的技術,再加上Sprinter夠堅固、體積同汽缸容量都夠大,在外國就多數都會用作長途運輸車輛。但香港反而沒有用作長途運輸車輛,反而警務處在2008年就將巡邏警車更換成Mercedes-Benz Sprinter 518CDI,再利用Sprinter車廂容量大的優點進行改裝,包括車廂改寬、增加無線區域網絡、儲物箱、衛星定位裝置等,去協助警察業務。

今次ERA Car所推出的1:64 Mercedes-Benz Sprinter車仔,在印刷方面,顏色和字體都非常清晰,例如「警POLICE察」和「注意腳踏伸出」而車尾的橙黃色都並無色差的問題。車頂的警示燈、車尾腳踏、車門和車窗亦模仿得細緻,並沒有馬虎。至於車呔就使用軟呔,前面左右各一車呔,後面則左右各兩個車呔。但今次就只有車頭蓋可以打開,其餘車門均不能打開,再加上車窗的設計都較難看到車內的設計,可以話係少少少少的缺點。今次ERA Car還會隨車送出兩件配件,包括「雪糕筒」和Road block的警示牌,令到各位車迷在拍照的時候都有配件襯托。

今次ERA Car呢架1:64車仔擺係其他車仔隔離都大部過人,放係場景都完全唔似係1:64。我依家終於明白點解呢個系列一推出的時候,大家都會瘋狂搶購同埋會賣呢個價錢,真係有佢原因!

Leave a Reply

Your email address will not be published.