可樂狂熱 – Tiny微影 Coca-Cola Mitsubishi Pajero

IP唔平,所以出得就要起勢出。今次Tiny微影相中三菱Pajero,唔知下次又會係邊部車呢?...
Tiny微影 Coca-Cola Mitsubishi Pajero

還記得以前的可樂車嗎?美式老卡車、粗糙的雙層巴士、巨型的貨櫃車……總括而言香港除咗忠粉就係少人買,到Tiny微影接手後,新車猶如餃子下水1:110、貨車等陸續登場,最新上陣的是1:64 Coca-Cola三菱Pajero,歡迎參觀印鈔廠。

Tiny微影 Coca-Cola Mitsubishi Pajero

「九成九高仿,百分百老翻」唔使方健儀講大家都知道,造車仔成本結構入面授權費用可以佔三成或以上,按授權方或要求一筆過還錢還是按數量分成,加上視乎授權方提出的要求或限制,因此部份車款就靠大賣都未必可以隨便加印,產品推出市場前亦需要送往授權方檢查,個別車廠就加係「驗屍咁驗」,來來回回空運都玩你幾個月,授權方一句話「唔得」,部車真係隨時係咁先。咁麻煩,點解仲要申請?正版就係正版,官方認可產品至少唔會俾海關搞,以相同質素而言,收藏價值亦較老翻高,同時有晒官方指引,色水、圖案都要準確,車廠的話有晒CAD圖就最理想。更重要的一個原因,如果大家都選擇買翻版,邊有人再咁傻出正版呢?我們真的要讓劣幣驅逐良幣嗎?

無病呻吟完講返呢部車,如果唔搵資料真係以為係FF車,flickr有張2005年相拍攝到兩部可樂拉花的三菱Pajero泊在愛爾蘭Cork Wilton Road的路邊,拉花同Tiny微影有所唔同,但佈局就相當相似,至少能夠吸引到非可樂迷我成為課金戰士。包裝盒有花心思,背面的「IT’S THE REAL THING!」字樣頗能吸引到大家注意,1:110巴士行紙盒,Pajero改行T Brick設計,合金車模跟以往的警車及洧防車大致相同,全車以可樂罐造型為籃本,頭冚有可口可樂商標及白色拉花,車身延續拉花設計,兩扇車門可以打開,惟中、後排車窗遭密封,中排窗戶位置同樣有「IT’S THE REAL THING!」字樣,接近尾燈位置有可口可樂商標,前後車牌亦改為「COKE」字樣,後備輪圈冚則有白色可樂瓶的剪影。造工方面,前後膠燈、車頂射燈及車頂行李架、軟膠輪胎、避震等均有做足。車櫳你可以批評它用上七座位設計而非貨車的前客後艙佈局,但為了單一款車重新開模,成本未必划算。整體而言已經收貨,可樂粉絲可追,一般買家入手亦不會呻伏,如果你係百事粉絲,你當無睇過,只因可樂車只會出極仲有,唔鍾意,Quit囉!

Categories
Tiny微影1:642021Commercial VehicleFeb 2021MitsubishiReview
Categories

RELATED BY

error: Content is protected !!