自己人仔自己Scan  – Ubivox

我諗呢兩年玩場景、人仔嘅朋友愈來愈多，除咗幾個大牌子之外似乎無咩其他選擇，如果將自己Scan做人仔擺入場景又會係點呢？如果大家仲有印象嘅話，舊年「香港車仔展2021」入面就有部3D Scanner俾大家整人仔，而家仲有優惠價可以整3個唔同Pose，等我諗吓整咩姿勢同部車互動吓先。

Ubivox母公司先科機械以3D Modeling起家，最初針對珠寶、3D立體牙膠、骨傳耳機等B2B項目，直至17至18年開始踩入B2C，「當年3D Scanner質素仲係好一般，手持Scanner掃來掃去。」Ubivox負責人Ivan指由於門檻高利潤低，單是軟硬件已經耗資逾百萬元，3D柯式印刷成本要$500至$600，幾年間仍然生存的行家寥寥可數。事實上，除了人像掃描外，寵物掃瞄也是Ubivox的重要客源，「寵物主人通常不介意花費將寵物製作為3D模型作永久保存」。

受惠場景愈來愈多人玩，Ubivox亦迎來新突破，「去年車仔展讓更多人認識我們，既然玩得場景都唔差在擺埋自己入去。」Ubivox亦推出套餐提供三個不同比例(1/43、1/64、1/76)或三個不同姿勢的1/64 3D人仔供買家選擇。

此外Ubivox亦有1/6、1/12頭像可以選擇，玩Figure或者LEGO都夾得到。「以前試過有客人帶7個朋友上嚟Scan，然後將朋友7個人頭串成手鏈。」呢樣恕我唔太識得欣賞喇。據知Ubivox黎緊仲有新技術幫大家Scan人仔，不過就要等佢地之後公佈喇。

今次《手推車》仲成功爭取咗優惠俾大家，只要喺Ubivox網站購買Scan人仔套餐，用優惠碼「TROLLEYUBB」就可以享受到85折優惠架喇。另外「香港車仔展2022」Ubivox都會登埸，屆時有更多驚喜俾大家！