「今天你同我天各一方，你有你嘅生活，我繼續我嘅忙碌……」在今時今日中控台幾乎割讓給乘客大潮流下，Chevrolet C8 Corvette Stingray反其道而行，將整個駕駛席與乘客席分割開，就連中控台屏幕都無份睇，令人嘖嘖稱奇。
究竟Chevrolet去到有幾盡？中控屏幕完全傾向駕駛席，高聳的中控台就如商務客位的分隔板將駕駛席與乘客隔開，似乎暗示乘客要恰如其分。C8身為自1953年推出的Corvette第八代車型，一改以往長車頭、短車尾的前置引擎、後輪驅動佈局，廠方將輸出495hp/6,450rpm馬力及64.2kg-m扭力的6.2公升V8自然吸氣引擎遷往駕駛艙後方，搭配M1L 8前速雙離合變速箱與Z51性能套件，0至100km/h加速只需2.8秒，極速305km/h，滿足設計師Zora Arkus-Duntov的遺願。除了由FR轉變成MR外，車身亦大幅採用鋁合金、碳纖維、玻璃纖維及樹脂材料，將車身重量限制在1.6噸左右。不過最令人驚喜的是約六萬美元的車價，較其他對手平一大截，然而放心，香港肯定無份。
相信MINI GT這台Chevrolet Corvette Stingray是針對海外，特別是美國本土市場。此車備有前後膠燈、浮雕進氣口等，車輪的褸空設計有驚喜，車櫳亦有如真車般呈現分隔式佈局，至於其他則是MINI GT的交車標準，且看車款是否閣下的那杯茶？「但假如有一日，我地真係路上偶然咁撞倒，我地會點吓頭，問候一吓，然後已經唔知講乜嘢好。因為你會發現我已經改變，正如我可能唔再認識你，但係咁其實又有乜嘢關係呢？我只係知道喺呢一剎那，我係想念你。」
