俾多次機會 – Hobby Japan Subaru Impreza WRX (GC8) STi Version II
對Hobby Japan一直是又愛又恨，因為MARK43有大量車款可供1/64化，同時去年一部FD2因為QC問題導致瞬間跌穿招股價，唔少朋友一聽到Hobby Japan就耍手擰頭，直接導致Supra銷情仆直。唔知今次Subaru Impreza WRX (GC8) STi Version II又可唔以等大家俾多次機會佢呢？
對Hobby Japan一直是又愛又恨，因為MARK43有大量車款可供1/64化，同時去年一部FD2因為QC問題導致瞬間跌穿招股價，唔少朋友一聽到Hobby Japan就耍手擰頭，直接導致Supra銷情仆直。唔知今次Subaru Impreza WRX (GC8) STi Version II又可唔以等大家俾多次機會佢呢？
編號GC8C的Subaru Impreza WRX RA STi Version II於1994至96年生產，搭載2公升四汽缸水平對向渦輪增壓引擎，輸出[email protected],500rpm馬力及[email protected],000rpm扭力，輔以五前速棍波、VCD-F4WD恆式四驅及DCCD駕駛者可控式中央差速器，WRX RA STi以原來的WRX為基礎並作大量賽車改裝，而且不設音響、冷氣，車頂的進風口正是為車廂引入生風之用，主攻Rally車隊使用。
今次獲Hobby Japan模型化包括Subaru Impreza WRX RA STi Version II及WRX版本，最簡單就是以車頂進風口及霧燈來分辨兩台車。手上的Sports Blue正是RA STi版本，獨立膠件頭燈、指揮燈、尾燈處理不錯，頭冚、車頂如實反映透氣口，硬側鏡、泵把位置亦有網格設計，尾鼓亦有呈現、16吋輪圈內亦有類似煞車碟及制動卡鉗等。儘管車色上得不錯，尾翼亦未有傾斜情況，然而尾燈裝工一般、輪圈亦有輕微破損，需要扣分。整體而言，Hobby Japan造工屬可接受水平，然而訂價較其他對手略高，能否反敗為勝就看將來車款的選擇，說好的豐田Crown及Alphard呢？
