英之傑及旗下皇冠車行正式成為豐田認可日本進口中古車(T-Value)代理,是本港首個唯一獲豐田官方認可的豐田日本進口中古車代理

T for Trust – 英之傑成豐田認可易手車代理

買二手車有得睇晒證明,點計都會安心啲,而且係豐田認可易手車代理,自然睇高一線

無論係模型抑或真車,大家都唔想買到次貨甚至假貨,但模型車原廠做認證真係睬你都傻,真車反而有機。英之傑成為香港首個豐田官方唯一認可的日本進口中古車(T-Value)代理,而且唔使山長水遠去睇車,九龍灣Showroom一口氣睇勻新車二手車。

英之傑集團大中華區董事總經理劉啟成、豐田通商株式會社總經理村本史

除咗「即睇即買」外,每部出售汽車均設長達6個月保養,同時配備由豐田通商株式會社、英之傑及皇冠車行聯名簽署證書,一Scan證書上的QR Code即可連接皇冠汽車系統認證,查閲車輛型號、底盤號碼及保養到期日等資料,多張出世紙身價自然更保值。至於直送香港的車輛抵港後,皇冠會進行多達150項品質檢測確保行車安全,並會以為車廂進行全面深層的消毒和清潔。

英之傑豐田認可易手車代理

英之傑集團大中華區董事總經理劉啟成指2021年本港的進口易手車接近一半是豐田車,成為豐田在香港首個認可的易手車代理後將提供透明、領先同行的技術支援及客戶保障等。英之傑大中華區及新加坡首席行政總裁王玉平認為市場強勁需求促使集團展開豐田易手車業務。

其實模型車係咪都可以考慮吓搞認證,等大家買得開心,儲得放心呢?

Leave a Reply

Your email address will not be published.