【泡菜登場】港鐵載客列車 1:87 港鐵東鐵綫列車

2月頭真車開始行，一個月後1:87港鐵東鐵綫列車合金模型(R Train)已經緊貼登場，果然夠快手！

港鐵2012年向韓國Hyundai Rotem購入9卡東鐵線列車取代中期翻新列車，為2022年通車沙中綫過海段做好準備。這款新列車車身闊度闊12cm，載客空間增加4%，除了標準六座位外，亦提供俗稱的「情侶座」兩座位。車廂欖形扶手柱配天花環狀支架垂吊軟膠扶手，為鼓勵乘客行入車廂，新車車門間距較平均，車門之間則不設扶手柱。車廂另設、動態路綫圖及車卡連接通道顯示屏。新列車於2月6日正式投入服務，並陸續取代中期翻新列車。

首先要強調這部R Train不同於去年推出的車站場景套裝，因為精細度實在高好多班：亞加力膠盒內是全合金車身配與H0比例看齊的金屬路軌底座，浮雕轉向座配上金屬車輪。車身重量十足，比例跟足真車，駕駛席兩側趟門底部可以以小桿推開，打開後可一睹控制台設計，車頭除了塑膠仿LED頭燈外，也有目的地紅磡的顯示，中央位置則是緊急出口連斜道，車頂冷氣用上蝕刻片，車門亦用上浮雕處理，小心高壓電、小心月台空隙、小心車門等小心標誌一個沒少，另外有9卡車廂的臨時標記，另一特色是車尾部份設透明膠件可以觀賞車內情況。車廂除了有左右各四排六座位及一排兩座位凹陷座椅外，模型高度還原真車的欖形扶手柱及天花板垂吊軟膠扶手，至於車頭滅火桶、動態路綫圖甚至是LCD屏幕當然也一併保留，夠晒原汁原味。唔知未來會唔會有機會加推頭等車廂模型呢？