IMXHK汽車新聞精選內容

【西九首個汽車飄移表演 IMXHK2022 x HKGSA】

「我要揸GTR!」一句源自於《頭文字D》而流行到現時嘅電影對白,隨著以賽車為題嘅視影作品愈來愈多,「飄移」運動已經不只係一種駕駛技術,而漸漸變成大眾追求嘅人生體驗。

今年 IMXHK 就邀請到 HKGSA (香港汽車金卡納運動公會) 到西九進行飄移表演。HKGSA 由一班本地熱愛飄移運動嘅愛好者組成,不時舉辦飄移課程、扭樽賽、新車發佈會等,短短成立3年來,已經成為一班飄移發燒友嘅聚腳地。

小編早前就去到 HKGSA 嘅訓練場地,率先欣賞精彩嘅飄移表演!車手楊仔受訪時講到:「飄移嘅感覺就好似『失控中玩操控』,極度充滿挑戰性!而飄移更需要做到『人車合體』,先能夠完美掌握飄移技巧。」

今次IMXHK及HKGSA合作亦產生好多「第一次」嘅火花,由於過往飄移活動多辦於新界地區,令次由IMXHK策劃嘅「兩地一展」,令車隊可以進攻九龍區,亦係西九文化區首次舉辦動態活動。而主辦方總經理歐陽嘉敏提到:「首次加入飄移表演,為大眾帶嚟更多難忘嘅體驗,將汽車文化普及至不同受眾。」

如果你都想認識「飄移」運動又或者想現場目擊電影中甩尾過彎嘅姿態,就記得嚟《香港國際汽車博覽 IMXHK 2022》西九文化區,感受速度與激情!

?活動詳情?

《香港國際汽車博覽 IMXHK 2022》

地點:亞洲國際博覽館及西九AXA竹翠公園

日期:2022年12月8日至11日

門票詳情:http://bit.ly/3VnlQ16