IMXHK精選內容

【IMXHK2022 活動整合】IMXHK返黎啦!

又到12月,各位有冇諗好黎緊weekend去邊到玩下?小編咁問得大家,就緊係有好地方介紹,就係今年嘅香港國際汽車博覽(IMXHK)2022!!! IMXHK於12月8至11日(一連四日)係亞洲國際博覽館同西九舉行。今年更首創兩地一展,動靜兼備。小編淨係影相都影唔停,現場仲有好多活動俾一家大細參與,大家黎緊快啲入去行下啦~

依家就等我哋HKTOYCAR整合所有資訊俾大家,等大家入場前都可以mark實去到可以睇咩先。

1.到底發生了什麼事?

0至100km/h加速只需1.8秒、極速560km/h,杜拜車廠Devel於IMXHK中首展這台價值不菲(不明)的5,000匹Sixteen超跑,盡顯油王揮金如土的氣派。不過佢一副V16 Quad-Turbocharged引擎似乎係將兩副V8引擎砌埋一齊,有錢人嘅創意的確唔一樣,難怪佢要精挑細選買家啦?

2.做一下利蘭車長

其實見到Tiny 微影擺Booth,都估到佢哋會擺真車落嚟,差在係邊部,今次就輪到利蘭奧林比安11米熱狗巴,真車保養新淨,仲要著到燈呢吓不得了。既然有真車,當然唔少得1/110巴士,除咗利蘭外,主打富豪B8L MCV IMXHK巴士、B9TL、機場警區黃頂Coaster同埋MCW Metrobus,其他仲有Batman巴士,另外就係INNO64日產Skyline GT-T紫色,隔離仲有車仔展部粉藍色Skyline,我見猶憐。

灰模有劍齒虎裝甲車、巨龍11米、Scania同烏咀狗,點樣都會跌咁啲。

買滿$1,000可以上利蘭影相,都係例牌嘢。

3.全日拖

IMXHK繼續玩電,其中最具份量就係呢部Wisdom全自動拖頭。呢部拖頭主打貨櫃碼頭使用,車重約18噸,可以拉動75噸重貨櫃,極速30km/h,續航距200km/h,全車佈滿傳感器及自動導航,單係深圳碼頭已經買咗30部全天候運作,香港?繼續等吓先。

4.係空中都可以飛嘅車

今年IMXHK最引人注目嘅莫過於呢部由日本專門研發無人機、人工智能高科技產業嘅新創公司 A.L.I. Technologies 旗下話題作,岩岩9月仲係美國車展首次亮相嘅全球首架限量版飛行機車 XTURISMO!今次首次著陸香港,俾咁多位香港市民一睹佢嘅英姿!

呢部長 3.7 公尺、寬 2.4 公尺、高 1.5 公尺嘅飛行機車,透過底部螺旋槳黎推動升空,可以乘載到 100 公斤嘅騎乘者。小編見到「真身」唔知仲以為自己入左去啲科幻片情節入面,估唔到以往只可以係戲入面見到嘅橋段,依家係現實中都可以發生,不過呢機電署肯定唔批!

除左係亞洲國際博覽館之外,今年IMXHK係西九文化區的 AXA Wonderland 竹翠公園都有舉辦唔少嘅活動俾大家參與格。聽聞個邊仲會有市集同汽車飄移睇,大家千其唔好錯過呀!