MINI GT模型品牌模型車開箱評測

【Never just drive】MINIGT Hyundai KONA N Performance Blue

MINIGT Hyundai KONA N Performance Blue

最近小編都集中左寫舊車款車仔,比較少寫啲新少少的車款車仔俾大家。今次就找下數,寫返啲比較少寫的車款。今次就介紹SUV車型的車仔俾大家!其實以私心黎講,小編都幾鐘意SUV的車型。因為相對其他車款較實用,出街掃完貨都唔怕車尾唔夠位擺,岩哂小編我呢啲成日shopping,買到成手都係野的女仔。至於我今日要同大家介紹的SUV型號就係由Hyundai所出的 KONA N。

Hyundai是韓國最大及世界排名第四的汽車製造商,而目前大家比較熟悉的品牌應該有Genesis、IONIQ和今日的主角KONA。至於KONA N是Hyundai車款中首款N Family的SUV,亦都是為品牌打開SUV市場的「重要人物」。

今次車仔就係由MINIGT所出的Hyundai KONA N,外形與真車設計相若,車呔使用軟呔,車窗方面手工有陷實,前後車燈亦都有做足,連車門下的紅線及車尾導流槽都有於車仔上展現出來。至於側鏡就沒貼上反光貼,純粹黑底設計,亦都沒有太明顯的車底浮雕,不過係咁多個車廠品牌中還可以維持質素已經實屬難得。

雖然今次呢款車仔相比起其他跑車、舊車黎得好似相對沒有太大收藏價值。但如果鐘情某啲車款都可以買黎收藏留念格!