戰神Reset？ MINI GT Nissan Skyline GT-R R32 BBS LM Wheel

成日話舊車無Parts，但只要有錢，東瀛戰神原廠Parts垂手可得，甚至乎原車翻新都仲得，其他牌子得個恨字。

2017年Nismo推出的Nismo Heritage Program，為Skyline GT-R R32、R33及R34提供新零件，日產去年年底更進一步啟動R32重整計劃，用半年至一年時間將全車以原廠規格重行翻新，包括拆件檢查底盤及引擎的完整度再加以修復，全車除鏽、重新烤漆、新防火、隔音物料、內裝更可升級至與R35相同，波箱、傳動軸、避震等換新螺絲，RB26DETT引擎都會拆件翻新，車主可選擇出廠設定或NISMO升級方案，完成後Nismo會在試車場上試車確保交車標準。不過既然要人手逐件翻新，價錢當然唔會平，修復費用部部車唔同，但平均價格約¥450萬日圓(約33.5萬港元)，包修復證明書，還將提供 1 年或 20,000 km 的保用。以上價錢還未包將愛車送返Nismo大森工廠的費用，要靚自然要付出代價。

今天介紹的MINI GT日產Skyline GT-R R32 BBS LM Wheel同樣是Nismo版本，金屬風格上有醒目的Nismo字樣，頭冚亦用上碳纖紋理，輪圈亦用上BBS LM樣式，加上前後膠燈、Skyline壓紋等，仍然維持中上質素。講開又講，前天MINI GT公佈取消/換款名單後引議聲不斷，由於有新車填補空缺，實際上車款數目只是較此前少了幾款，有些車款的確較可惜，然而車廠對品牌壓力甚大，部份車款因為而等新車而取消，又有與車廠的糾紛等，很多都難宣之於口，惟有寄望他們推出更多新車吧。