動漫迷必到！「動漫聯動祭」銅鑼灣皇室堡開鑼　1:1《怪獸8號》雕像 + 巨形高速婆婆登場

「動漫聯動祭」又返嚟啦！10月10日至23日喺銅鑼灣皇室堡舉行，今次規模更盛大，過千款周邊產品加一系列打卡位，影相、掃貨一次過滿足！

「動漫聯動祭」綜合了各大熱爆動漫及品牌動漫周邊，今年更加入大量打卡元素，包括有首度來港的1:1《怪獸8號》雕像、《鬼滅之刃》九柱打卡位、2.5米高巨型《DAN DA DAN膽大黨》高速婆婆招財貓造型吹氣公仔，吸睛度爆燈。

產品方面，今次有《鬼滅之刃》無限城盲抽襟章、《我獨自升級》LINKU毛公仔等等，仲有多款福袋任君選擇~ 現場更有即抽即印大相卡機同珍藏卡機，其中《鬼滅之刃無限列車篇》、《藥師少女的獨語》及《DAN DA DAN膽大黨》收藏卡更是首度推出！

隨住《DAN DA DAN膽大黨》第二季播出，令高速婆婆人氣急升，雖然隨處都可以見到高速婆婆嘅身影，但2.5米高嘅高速婆婆你又見過未？(可以現場體驗被高速婆婆鄙視嘅感覺…？)

日期：2025年10月10日至23日
時間：上午11時至晚上9時（10月10日晚上6時至9時；10月23日上午11時至6時）
地點：皇室堡地下中庭