國產電動車新強敵？ ZEEKR超揼本登港
ZEEKR極氪作為 2021年4月才成立嘅品牌，短短3年內已推出5款產品，今次終於打入香港市場，喺香港麗思卡爾頓酒店舉行首個品牌發佈會，一衆集團董事總裁紛紛到現場揭幕，更請埋香香公主岑麗香 @heungheungeliza 出席發布會，可見極氪非常重視香港市場。
ZEEKR以純電SUV車型 – ZEEKR X 及 全新豪華旗艦 MPV ZEEKR 009揭開香港市場新序幕，港版ZEEKR X嘅電池容量達66kWh可帶來最多440公里續航距離（WLTP），并分為兩個版本，後驅單電機版帶來馬力200匹，「1 換 1」後售價為 $249,900 起；四輪驅動版帶來馬力315匹，「1 換 1」後售價為$269,900起。
岑麗香表示十分喜歡ZEEKR X嘅時尚精緻外觀同內飾，認為非常適合女性駕駛者，更打算將 ZEEKR X 作為自己嘅個人代步車。
見到香港馬路上都越黎越多國產電車品牌，極氪屬於比較遲才進入香港市場嘅品牌，唔知會唔會後來者居上呢？
