復古藍調 – POP RACE Pandem Nissan S13

日產S13於1988年推出，搭載SR20DET 2.0L turbo引擎，最大馬力205匹，採用後驅配置。S13以輕量化車身、50:50配重比例同出色操控性能，成為飄移文化嘅代表車型。

經過Rocket Bunny三浦慶操刀設計嘅Pandem寬體套件，S13換上誇張嘅前後沙板、大型前擾流同可調尾翼。Pandem套件以鉚釘固定嘅寬體設計為標誌，呢種街頭改裝風格令S13從經典跑車躍升為改裝界icon。

POP RACE嘅Pandem S13模型車還原咗寬體套件嘅激進線條。塗裝方面，對比真車嘅偏紫藍色，模型車嘅藍色調整得更深沉，增加咗一種復古感，散發出80年代JDM嘅經典韻味。細節處理方面，大部分嘅標誌都有還原~前進氣口清晰印有GReddy標誌，車身兩側大部分標誌都係對稱分佈，整體視覺平衡度高。