戰神之父駕到！田村宏志訪港交流 × 五大 JDM 天王齊集亞博

「香港汽車文化節 HK Autofest 2026」將於 4 月 4 至 5 日在亞洲國際博覽館 1 號展館舉行。今屆最重磅消息——被譽為「現代 GT-R 之父」的日產傳奇工程師田村宏志首度在港出席公開活動，出席「GT-R 傳奇」分享會親述 R35 研發歷程，同場設簽名及互動環節，對本地 GT-R 車迷嚟講絕對係一期一會。

車展陣容同樣勁。「JDM 天王車聚」集齊 Skyline GT-R、NSX、Supra、RX-7 及 Lancer Evolution 五大經典同場列陣！大會另設另設「GTR × Datsun」古董車專區，由早期 Datsun 時代到現代 GT-R 一口氣睇晒；Pop Race 更聯同大會搞「模型車人氣選舉」，觀眾即場投票揀出最受歡迎展車，勝出座駕有機會被製成模型收藏品！

電競環節方面，《Assetto Corsa EVO》聯同 Z Challenger 舉行體驗賽事，日本女賽車手織戶茉彩親臨與本地車手展開港日電競對決，場內亦設多台高擬真模擬器供觀眾挑戰計時賽。

車尾箱市集同步登場，汽車精品、改裝零件、經典車籍任尋寶；暴走貨車（Dekotora）配合 DJ 打碟及迷你音樂會炒熱全場氣氛。親子方面，微影 TINY「DIY 巴士工作坊」加遙控車體驗區，大人睇車、細路玩車，各有各精彩。

標準門票 HK$40（可攜同一名學生免費入場），學生票 HK$20，學前兒童、長者及殘疾人士免費。只開兩日，即上 imxpo.com.hk 鎖定門票。