鴻興玩具大玩變色版香港的士

先前總編大人已經詳細介紹了鴻興玩具紅色的士，拆解到 1/64 Toyota Crown Comfort 紅的門開合、雨檔、行車證、天線全部交足功課，連「HH1993」車牌都玩埋情懷位 。而今次小編我就一次過曬冷介紹埋鴻興另外四款非常有看頭的的士模型啦！

綠色的士入手的是Toyota Comfort Hybrid Taxi，模具一樣保留的士應有的細節，車尾4seats座位貼紙下亦刻畫返 銀色Comfort 標誌。搭的士最喜歡都係選擇Hybrid 車款，除了車内籠更寬鬆，石油氣引擎搭配電動摩打令整個車廂的汽油味減輕不少。小編我以前住係新界，深刻記得綠的不能出九龍，每次趕時間都要係隧道口「轉車」。而現在隨著call車越黎越方便，綠的又真係不再是選擇中的首位。

令小編眼前一亮的電鍍幻彩色系的士，整個車身都使用了電鍍色，由車頭粉藍色漸變到粉色、再到車尾的淡紫色，顔色過渡自然，色彩鮮艷，瞬間由街頭工具車變身夜店限定夢幻版 。加埋架黑色的士，玩色系列唔止多左個色，而係將「香港街頭」同「收藏藝術」融合。