包羅萬有 – 香港戶外用品及運動博覽暨健身科技及器材博覽

11月份特別多運動展，但估唔到呢個香港戶外用品及運動博覽暨健身科技及器材博覽又俾想像中更多體驗更多產品。

最初睇新聞稿知道今次有20項唔同比賽，估大部份係小朋友向，結果高輪單車、幾萬元一部的Brumpton摺車、匹克球、成人低B班劍擊同羽毛球體驗班都玩足大半日，仲未計體適能區一班大隻仔鬥肌，睇都幾好睇。買的話Mont-bell香港特別版、法國新品牌防水袋都值得課金，現場仲有唔少大特價產品，計落未必真係好平，但至少唔使走來走去搵就真係俾多少少都值。如果想睇得好專，呢個展未必適合，然而如果時間有限想一次過睇一次過買，這個展會值得一逛。