F1進駐AIRSIDE – LEGO FORMULA 1 飆速「拼」戰

除Drive to Survive外，早排快閃各區的1:1 LEGO F1法拉利SF-24賽車模型今次於啟德AIRSIDE「入Pit」提提你F1終於開季。除20款LEGO Formula 1盒組外，現場仲有遊樂區及打卡區供大人細路提前感受F1氣氛。

早前白沙道被抄牌的法拉利SF-24 FORMULA 1由洪子健主理，全車採用20多萬顆LEGO，用了約1,300 個小時拼砌而成，重達500公斤，仔細睇可以睇到轉向系統、波箱與輪胎、可上下調整擾流板、以至可旋轉MGU-H的 V6 引擎等。另一個值得留意的是由STEM RACING Hong Kong打造的8米長極速賽道，賽道配備計時感應器、氣動發射系統和安全護欄，經改裝的LEGO Speed Champions賽車可以以21km/h於賽道飛馳，每次起步都有出煙效果，聲畫一流。旁邊風洞可以模擬賽車空氣動力情況。

其餘就是一系列LEGO F1賽車及F1精品，另外只要集齊印章即可換領限定禮物包一份，買車打卡亦可。