$1入場任試食！香港國際試食節 2026 復活節殺入會展

復活節長假唔知去邊？答案係會展。「香港國際試食節 暨 優質食品博覽 2026」將於 4 月 3 至 7 日（五至二）在香港會議展覽中心 1ABCD 展覽廳開鑼，去年復辦即錄得近 26 萬人次入場，今年規模全面升級，雲集超過 50 個國家及地區食材、伴手禮及正宗美食，近 500 個攤位任你試食。

標準票 HK$10，但每日首 1,000 名現場購票人士，可用特價 $1 購票入場，每人限購一張——係的，$1！更勁係展覽期間首日首 1,000 名、其後每日首 500 名入場者可免費換領燒肉換領卡，送完即止～

今屆最大亮點係全港首創「超人氣角色食玩館」，由山下菓子策劃，集合 Monchhichi、Snoopy、Panda Friends 及百變小櫻等人氣 IP，融合「食 × 玩 × 打卡 × 零售」四大元素，推出角色造型限定美食，包括 Monchhichi 甜點、Snoopy 港式雞蛋仔、熊貓中式包等，早鳥「食玩袋」3 月 23 日起開放預訂～

長洲美食文化區首度聯同叁三文化合作，場內設 3.5 米高充氣包山供打卡，帶來平安包及珍寶大魚蛋等長洲獨有特色美食；「美樂士多懷舊專區」集齊超過 30 款七八十年代經典零食玩具；「Taste of Jazz」有現場爵士樂配高級食材及美酒；「飲嘢市集」集合約 20 個本地及世界各地茶飲品牌一站式歎勻；今年首設「食得喜、安與健滿分樂齡區」，專為長者提供軟餐等健康照護食品試食體驗。

場內同步舉行「中年靚聲王音樂會」，張立基、黃夏蕙、大 AL、莫鎮賢等一眾經典歌手輪番獻唱金曲，可以邊聽歌邊掃貨。現場更有 $1 魚蛋 $10 紅酒任你搶！業昌食品正宗順德魚蛋每日 11 時起限量 $1/盒（每日 20 盒，每人限購一）、保森國際澳洲紅酒每日中午起限量 $10/支（限 40 支）、華御堂有機亞麻籽系列每日限量 $1（各限 10 件）、Juwan Trading 台式水果乾每日限量 $1/包（限 20 包）——全部先到先得，想搶就預咗早啲排隊啦！