過千張珍藏卡＋寶可夢打卡位！黃埔天地【夏之收藏卡市集】8月8-9日兩日限定登場

Pokémon、ONE PIECE、球星卡、韓流小卡⋯⋯近年「爆卡」文化已經由小眾圈子殺入主流，唔少人一入坑就停唔到手。黃埔天地夥拍本地人氣卡牌店 MOONROAD CARD STORE，將於8月8至9日舉辦【Summer Card Game Fest 夏之收藏卡市集】，兩日內集合超過20個攤位，過千張罕有珍藏卡任你尋寶，現場仲有8隻人氣寶可夢打卡位等你影齊！

攤位方面，焦點陣容包括主打「天花板級」珍藏嘅活動夥伴 MOONROAD、高分鑑定卡專門店 KaBoom TCG Store、Pokémon及ONE PIECE頂級卡牌齊備嘅 Tcg Store HK，「歡樂馬介休」成員華浚更會親身發售私人珍藏，加埋潮玩品牌 Funism 帶嚟公仔模型及動漫周邊，買賣交流一次過搞掂。

活動節目同樣有料~ 免費卡牌工作坊由 GEA 專業團隊教你評級同保護技巧，新手仲有指定卡牌組免費拎走。每日兩場「爆卡及珍藏拍賣會」分別由 Jacky仔（8月8日）及 Eelyn Chan（8月9日）坐鎮，即場拆卡加競投，氣氛保證爆燈。8月9日下午4時半更有「爆旋陀螺挑戰賽」，32人同場對決，頭三名可贏走《戰鬥陀螺X》「金騎士重盾」稀有配件!!

卡迷定親子家庭都值得mark實日子去一轉：
日期：2026年8月8至9日
時間：中午12時至晚上7時
地點：黃埔天地 時尚坊 MTR層