Glamping新寵 叉雪櫃都一樣得 – HYUNDAI IONIQ 5

IONIQ 5 係根據 Living Space 嘅理念開發，所以各個細節都相當之生活化。長達三米嘅軸距令車室空間得以最大化，配埋12向雙前座全傾倒電動座椅，令你隨時都可以舒適躺平。加埋個全景天窗，星空下嘆個專屬 me time 都咪話唔爽！

IONIQ 5 嘅另一賣點就係 V2L (Vehicle To Land)外接供電功能。充電位具備雙向電力供應能力，平時除咗幫電動車充電，亦都可以外接為電腦甚至係雪櫃供電，去露營真係夠晒方便👍🏻

IONIQ 5 嘅置物空間亦非常充足，車尾箱容積喺標準模式下有527公升，後排椅背傾倒後，最大容積可達1,587公升；同時車頭引擎蓋下亦有24至57公斤嘅放置空間，對於應付日常生活、駕車露營或者搭載小型工具都卓卓有餘。

代理一口氣引入包括IONIQ 5、威力加強版R+及終極版R+ AWD三個版本，搭載58kWh至72kWh電池，續航距離384km至451公里，馬力170匹至306匹，一換一價由港幣358,000起，不過頂級版(306匹)不過貴4萬，加上20吋軨同四驅，暫時未諗到唔買佢嘅理由。

如果你而家先去Hyundai陳列室訂IONIQ 5新車，估計要去到2023年年尾才有車拎，想試下三腳插是否如廠方所指能為雪櫃供電，睇黎仲要等多一陣。相比起一般電動車，小編就覺得 IONIQ 5 整體而言更人性化、更全能、更具溫度，你哋又點睇呢？