Khaho人物專訪鐵道模型

有愛先可以玩落去 – Khaho鐵道模型

如果大家眼利的話,香港車仔展2023手推車攤位側邊飾櫃陳列幾列HO及N-Scale的鐵道模型,這些模型背後就是香港最大鐵道模型店之一的Khaho。

Khaho 咔好鐵道模型店

記得小時候去崇光百貨時常常遛連於頂層鐵道模型展示區,當時展出的應是N比例的北斗星 客車模型。然而土地及銀根問題導致多年來一直無入坑。直至近年才稍為留意,Miniature Wunderland及Small Worlds Tokyo亦功不可沒。而真真正正讓我「姣婆守唔到寡」的Khaho買一送一優惠,結果人在觀塘店呆站當場,最終勞煩女小編向店員求教。如是者輾轉與店員Whatsapp「白撞」數日,最後入手入門套裝,半隻腳踩入鐵坑。

說回Khaho,最初由辦公室角落開始,每星期開一日,一步步再從工廈,荃灣地鋪到去年觀塘工廈分店,加上大型運轉場,成為車友們聚腳的地方,「我們希望提供地方放車,(車友們)可以認識到朋友,互相交流,不會閉門造車。」Khaho負責人Chris指出玩鐵道模型需要學習及模索。運轉場非會員收費$35/小時,但對會員卻免費開放,他笑言「可以讓更多人入坑」,的確荃灣店閣樓的運轉場設有多條HO及N規的軌道,並有城市、車站、貨場等不同場景,隨便都可以玩上幾個鐘。雖然因為日圓匯價令更多人可以負擔鐵道模型,但Chris坦言市場正在萎縮當中,「唔少資深玩家無再玩,或已經離開咗香港。」他補充指日本、內地及台灣等地鐵路文化較深厚,類似香港巴士文化,而且行走地面列車 (如新幹線、特急類 、通勤類車種 )能拍攝相片攝點較多,較受歡迎,「日本地鐵列車通常無咁受歡迎。」

相對利廣,Khaho是後起之秀,雖然開設地鋪,但同時仍然受網購有所影響,「送埋上屋企」。不過講親民的話,Khaho相信是其中一間最友善的商戶,即使面對白紙的我,仍然不吝介紹,「好多時新手都唔知自己想要咩,我們通常都會問有沒有什麼車款最熟悉,如港人熟悉的山水線,Kato及Tomix都有新手套裝。」他認為入門毋需大花金錢,「平價入手入門套裝,即使將來發現無興趣都不用輸太多。」Chris亦指由最初的拖拉式車款,慢慢發展到其他種類如歐洲車,「可能到最後都唔係玩山手線」。不過值得需要的是,一條路軌只可以行走一套列車,如果想發展轉軌的話需要多買一套,但相對買車成本而言,路軌的開支可以忽略。新手的話,Tomix及Kato都差不多,Tomix路軌花款多而Kato則有聲,相反車款的Tomix的L扣(標準勾)較方便但像真度不及Kato的密扣款式,至於MicroAce及GreenMax推出的車款相對冷門。「如1:64一樣,都係好個人的事。」

但即使會早行晚拆,土地問題仍然需要解決,「火車圈的長度可以調節,但直徑一般以58cm為基本,太細的話有大部份車款因轉向架轉向幅度有限,有機會行走不到。」事實上 如路面電車/車種標示Mini等標示則可以最少28mm,但又已經是另一個玩法。解決住屋有納米樓,同樣地商家亦開發了直接路軌來回系統、跑步機等,讓大家在土地問題下都可以一嚐放車的樂趣。

玩車的開支有平有貴,平的話可以買一套入車款式列車然後DIY改裝,包括連接扣、車廂燈、內裝貼紙、目的地牌等,與不斷買車充實車庫又是不同的玩法。「最緊要都係有愛,咁樣先可以堅持落去。」

玩鐵如是,做人如是。