KY928 TOY【小方的烘焙店】烘焙日常系列

試玩專員今次開「麵包」主題，抽到超可愛「擀自己」麵包包~ 本身試玩專員係畀【小方嘅烘焙店】布置嘅場景吸引咗，見到一排排嘅小麵包散布喺烘焙坊嘅唔同位置，每個都超級可愛，所以又忍唔住抽多一盒先！

盲盒嘅包裝都係一大亮點唔再係傳統嘅高身長方盒，而係用咗麵包款式嘅紙盒，令到外盒都成為咗可以收藏嘅一部分打開盒子，入面有一大一細兩個麵包，一個正喺度「擀自己」，另一個喺麵粉袋入面掙扎，仲有一包乾燥劑同擀面檯。兩個麵包都幾有重量，手感超好！

根據官網介紹，KY928嘅KY取自KEEP YOUNG嘅首字母，而928就代表9月28號，係佢哋開始創作自己IP嘅日子，希望提醒佢哋要保持初心。佢哋仲認為「麵包」能夠將「溫暖」傳遞畀更多人，係屬於大家嘅有「溫度」嘅潮玩！