BM Creations Land Rover 1992 Range Rover & Land Rover 1998 Discovery 1

【越野比賽專用車】BM Creations Land Rover 1992 Range Rover & Land Rover 1998 Discovery 1

相信各位越野車迷都有聽過Camel Trophy,但大家又知唔知Land Rover係指定的參賽車款呢?今次BM Creations唔出新款Land Rover,出經典款俾大家收藏!

BM Creations Land Rover 1992 Range Rover & Land Rover 1998 Discovery 1

過左車仔展2022,小編我終於可以同大家介紹今次BM Creations新出的Land Rover 1992 Range Rover同埋Land Rover 1998 Discovery 1。相信各位有黎今年車仔展的話會發現,呢兩架新款都擺左係車仔展到首賣,而我收到路透社的消息,呢兩部車仔都好受車迷們歡迎。睇黎大家都好識貨呀!

今次BM Creations推出的兩部是Land Rover x Camel Trophy 的車款。Camel Trophy是源自於19世紀的探險活動,直至1980年先開始汽車探險活動而廣受媒體報導,Camel Trophy亦因此而出名。Land Rover於1981年開始與Camel Trophy合作,往後的17年亦將Land Rover作為指定參賽車款。但最後由於環保的因素,比賽於1998年正式終止。

回到我們今次的主題,不得不說這兩部車仔與真車的相似程度達到98%,除了一些細微的部分之外,其他都與真車一模一樣。先同大家介紹Land Rover 1998 Discovery 1,車身顏色就用上深黃色,車頭蓋則印上黑色。前身兩邊車門都印有Camel Trophy的logo,車門都可以打開,打開看到內裏的設計都沒有馬虎。至於車頂的行李架、及車尾的爬梯亦做得精緻,所有車燈設計都與真車一樣,而今次車呔同樣都使用軟呔,車呔上都印上BM Creations。

Land Rover 1992 Range Rover的車身顏色則使用了淺黃色,而車頭少了兩盞的車頭燈,車尾位置亦少了爬梯。至於車形關係亦因為五門設計關係會相對較闊,而車底浮雕都有根據兩部的車款而設計。相信各車迷都知道BM Creations會隨盒附送不同配件給各位車迷自行組裝,令大家除了可以欣賞車仔之外,亦可以組裝成自己喜歡的風格。

今次呢兩部Land Rover,小編作為Land Rover迷,點會唔愛。一見到就已經拎住唔放手。除左呢兩架車仔之外,BM Creations亦都推出左場景同人仔,個場景仲岩岩好可以match埋今次啲車仔,大家除左入手車仔之外,仲可以買埋個場景一set咁影相。

Leave a Reply

Your email address will not be published. Required fields are marked *