MINI GT Land Rover Defender 90 County Wagon Stratos Blue

回到90 – MINI GT Land Rover Defender 90 County Wagon Stratos Blue

Land Rover相信大家都認識,但大家又知唔知90年代Defender 90推出過County Wagon呢?今次MINI GT帶大家回到90年代,認識當時的Defender 90

MINI GT Land Rover Defender 90 County Wagon Stratos Blue

最近香港周圍都可以見到越野車的蹤影,女小編我上星期淨係一日都見到起碼10架jimny,可見越野車係香港都佔有一席位。但我諗講起越野車,就一定冇可能唔講Land Rover!Land Rover作為專出越野車的品牌,推出的系列亦都相對其他品牌多,而當中最重型的系列就非Defender莫屬。今次同大家所講的就係MINI GT推出的Land Rover Defender 90 County Wagon的Stratos Blue。

在Land Rover的系列來說,Defender的系列就較得越野車迷的喜歡,可能是因為這系列相對比較有Land Rover的「血統」,相比其他的系列擁有較出眾的越野Feel。當說起Defender 90就一定會說起它的經典三門設計和Land Rover四四方方的車型,而短小的車型在香港停車亦都相對較方便。

今次MINI GT所出的Land Rover Defender 90 County Wagon並不是近期推出的車款,而是90年代所推出的Defender 90 County Wagon。但今次呢架車仔同真車的外型設計做到差不多100%相似。車頂用上白色的車頂,與深藍色的車身分隔開。車身旁邊有藍白線條並印有County,V8字眼,清楚表明此架是County Wagon系列。車頭有兩邊車頭燈,中間則印有Land Rover。真車的後座車窗可以前後敞開,而車仔則不能,後窗只用了一條黑線分隔開前後。車尾亦都有基本設備,後備車胎、拖車桿等。車尾燈的設計是凸出,而車底浮雕亦都仔細。

作為其中一架90年代所推出而且已經絕左版的真車車款黎講,呢架Land Rover Defender 90 County Wagon真係值得收藏,對於越野車車迷就更加不能錯過!

Leave a Reply

Your email address will not be published.