Tomica模型車

星光下的杯麵車車 – 日清X Tomica杯麵玩具車

收到邀請『利東街聖誕呈獻「The Wishing Stars」亮燈儀式』,即刻同總編大人申請「光明正大獨肥計劃」,去到灣仔梗係先去鴻興啦,入手一套「日清X Tomica杯麵玩具車」,#食玩車系列 當然唔可以比佢停!

玩飽食飽開車車!日清與Tomica合作推出一套6款味道杯麵玩具車,車身上印有熱量表、過敏資訊表及煮食方法,神還原真實杯麵包裝。

✅ 杯面蓋還原貓耳杯蓋設計系列,實在太可愛啦😻

✅ 口味方面有咖哩(カレー)、海鮮(シーフードヌードル)、辣椒番茄(チリトマトヌードル)、味噌(味噌)、辛辣(辛麺)及香菜味冬陰功(パクチー香るトムヤムクン)6款

✅ 杯内更貼上不同味道的食材圖片

✅ 外包裝箱還原超市packing,整箱收藏更有feel

✅ 車身下方開設透明視窗位置,車内設計上司機位、軚盤和副駕駛位

小編我最喜歡辛辣味車車,杯蓋面貼有「焙煎唐辛子」,相比其他四款,呢款紅色包裝特別吸睛!

買完車車就去睇利東街携手本地跨媒體藝術家黃宏達(Victor Wong) 打造的200 米七彩寶石星鑽許願長廊,以及位於中庭上空的五米「巨型許願星」。隨後就行入泰國過江龍甜品After You Dessert Café 店內品嘗小編我期待已嘅刨冰同蜂蜜吐司♥