水無常形 – Tarmac Works Mercedes-AMG G63

「故兵無常勢，水無常形；能因敵變化而取勝，謂之神。」兩家車廠、兩款越野車、兩種態度，各有捧場。新Mercedes-AMG G63睇落同舊款差唔多，除了膠門把、頭燈噴水器及太陽檔外，全車其餘99%地方都是全新打造。想告訴大家新車有多「新」？不一定要走進醫院「大改造」。

財政預算案公佈後，相信250萬港元的車價應該再「步步高陞」，然而能夠付得起這個價格的話，區區幾十萬又何足掛齒呢？而且Mercedes-AMG G63的確物有所值，一副輸出585hp馬力及86.7kgm扭力的4公升Bi-turbo引擎，於4.5秒即能將這台龐然巨物由零加速至100km/h，極速220km/h。儘管剔除副車架設計，避震採用雙搖臂、後五連桿設計，不過3個可100%鎖上的差速鎖、241mm離地距、加力波、30゜離去角、31゜接近角、26゜跨越角、35゜爬波能力、五種行車及三種越野模式， AMG Performance 4MATIC 四輪驅動裝置具有後輪軸扭力分配，前/後分佈為 40:60，足以克服再崎嶇的路泡。車櫳則與其他豪華車系看齊，加入兩個 12.3吋屏幕、Comand多媒體系統與360゜鏡頭、前後恆溫冷氣、電動天窗、電控冷暖透氣記憶前座椅等。

這幾天的Tarmac Works的焦點均落在T.S.D WORKS Toyota Hiace S-GL Type 2，同期推出的Mercedes-AMG G63自然要靠邊站。印象中京商曾推出過G55 AMG版本，G63反而後繼無人。銀色車身、仿MULTIBEAM LED圓圈膠頭燈、頭冚膠指揮燈、膠尾燈及高置煞車燈、Edition1的仿22吋紅線輪框、紅線側鏡、網狀風隔、天窗等都有花心機，銀油厚度恰到好處，而且這部車是可以推得郁的，有驚喜。至於內櫳因為底盤上得太緊所以無法拆開一睹那對紅黑雙色pepper nappa皮革座椅，可惜可惜。

「故其戰勝不復，而應形於無窮」