GCD Toyota Crown JZS155

無法取代的四門房車 – GCD Toyota Crown JZS155

一架同時擁有日本傳統元素和最新技術的車,仲成為左多個國家的的士車型?究竟有幾厲害可以到依家都可以係日本保持其地位?

Toyota Crown JZS155係1995年一推出市場就獲得日木汽車研究人員和記者汽車獎,可見來頭都唔小。睇黎今次GCD就係睇中佢的氣勢,推出Toyota Crown JZS155車仔,帶大家重回90年代。

第十代的Toyota Crown JZS155汽車外觀由內田恆男打造,融入 “刀” 和 “硯” 代表日本傳統器具的元素,同時亦具備當年最新技術的無框車窗硬頂和推出VVTi系統,配備2JZ以及火花點火引擎的標準配備。Crown四門房車除了是日本人認證的國產豪車之外,更成為多國的士的車型,當中更包括香港。

今次GCD推出的Toyota Crown JZS155車仔以經典黑底銀線作配搭,車軚運用軟軚設計和轉向系統。車頭燈、霧燈和車尾燈彷似真車設計,底盤排氣喉浮雕造工精細。車尾印有Royal Saloon 3.0字樣,車身亦都印上Crown JZS155專屬徽章,而車尾擋風玻璃都運用與真車相同的條紋設計。車仔四輪雖沒具備避震效果,但在眾多品牌推出的第十代Crown車仔中,GCD可說是佼佼者,精緻打造皇冠JZS155低調高檔外型。

Toyota Crown JZS155雖然至今已經停產左20年,但一架車可以同時做到舒適、柔軟和可靠呢啲優點,我諗Crown 應該都屬其中一架。如果唔係點會可以係日本人心目中保持到穩固的地位。

Leave a Reply

Your email address will not be published.