動漫節2026又嚟啦！今年羚邦攤位有什麼值得留意？

動漫節又嚟喇。每年行展，羚邦（攤位 E01）都係其中一個必經之地，小編為大家整理一下今年有咩新嘢，等大家可以預先計劃好「作戰路線」。

linku 盲盒毛公仔
今年除咗繼續推出新 IP 角色嘅盲盒公仔之外，仲多咗一系列周邊產品，包括立牌、鎖匙扣、襟章同 T 恤。《排球少年!!》都有出 linku 系列嘅襟章、行李牌、立牌同帆布袋，價格由 HK$48 到 HK$120 不等。

《排球少年!!》三大主題
《排球少年!!》今年嘅商品思路幾有趣，分為三個日常主題：訓練嘅畫面、夏日互動、同埋校園造型。簡單講就係「賽場外嘅佢哋」。

校服主題嘅角色金屬書籤全套 12 款，限量 200 套；西瓜主題有搖搖匙扣同文件夾；跑步主題就有鐳射襟章同 8 人跑步亞加力立牌。如果你係「推角色日常」多過「推名場面」嘅粉絲，今年嘅產品線應該會中你口味。

《咒術迴戰》死滅迴游篇
死滅迴游作為《咒術迴戰》入面嘅重要篇章，今次嘅商品除咗重現角色戰鬥造型之外，最驚喜係出咗小金蟲主題嘅周邊。(感覺最近係吉祥物>主角魅力) 今次有小金蟲吊飾、行李吊牌同單肩包，另外仲有劇照膠卷鑰匙圈、劇照撲克牌、亞加力名言立牌等。

去年羚邦攤位嘅抽卡機區域反應好熱烈，今年繼續設有多部抽卡機，推出全新款式嘅玻璃彩繪透明卡同幻彩卡。IP 方面包括《排球少年!!》、《咒術迴戰》死滅迴游篇、《GACHIAKUTA》，全部都係首次亮相。鍾意抽卡嘅朋友記得預定心理準備同埋銀包。

如果你係嗰種「唔想逐件揀、一袋過搞掂」嘅類型，今年有多達 12 款福袋，涵蓋《排球少年!!》、《咒術迴戰》、《【我推的孩子】》、《怪獸 8 號》、《藍色監獄》等作品，入面包括首賣精品同福袋限定產品。可能紙袋本體都係大家想要收藏之一？咁小編會建議大家買福袋:P

額外一提：Ani-One® 十周年 + IdG Bubbles 主舞台演出
今年亦係羚邦旗下動漫品牌 Ani-One® 成立十周年，官方邀請咗人氣偶像女團 IdG Bubbles 喺動漫節主舞台表演慶祝。詳情可以留意羚邦社交媒體嘅更新~

香港動漫電玩節 2026 — 羚邦集團攤位
香港會議展覽中心展覽廳 1（攤位：E01）
2026 年 7 月 24 日至 28 日