Jollibee 快樂蜂首攻香港機場 T2｜24 小時歎樂脆雞 × 港獨家青檸茶梳打　開業三日送限量貼紙

呢幾日大家開口埋口都係T2 (香港國際機場二號客運大樓)，連帶Jollibee 快樂蜂首間機場分店亦都正式著陸離港層 L7 美食廣場，重點係24 小時營業，禁區外毋須過關即食得到。

Jollibee 香港一人套餐 HK$58 起，人均消費約 HK$50–100，機場食嘢呢個價位算相當貼地。必試清單：招牌樂脆雞配蘑菇飯、蜂脆雞堡、芝士雙牛堡，再加一杯香港獨家青檸茶梳打——以菲律賓青檸漿調製，酸甜清新。趕凌晨機的「早鳥」朝早 4 點起可以叫到新鮮班戟配楓糖漿或 100% 蜂蜜。店面打卡位亦值得留意：外牆用金屬質感打造成巨型行李箱造型，貼滿世界各地城市地標貼紙，配合店內紅橙主調及標誌性快樂蜂頭像牆，T2 預計年底服務 1,500 萬人次旅客，呢間店曝光率唔會低。開業首三日買任何套餐即送限量版行李箱貼紙乙套，送完即止。