50,000呎 x 300展商！《Amazing Toy Show 2026》12月首登會展 面積倍增破歷年紀錄

《Amazing Toy Show 2026》將於12月11日至13日首度移師香港會議展覽中心（HKCEC）3DE展覽館舉行，展會面積較去年增加逾一倍，達50,000平方呎，預計吸引逾300個展商、10萬人次入場，堪稱香港潮玩展歷年最大規模。呢個消息一出，識玩嘅即刻set鬧鐘霸位——今年真係「玩」大佢！

今屆展會橫跨三大核心展區：專攻集換式卡牌嘅《Amazing Cardnival》、集結靜態模型車與遙控車（RC）嘅《Amazing Wheels，以及主打本土設計師品牌嘅《Hong Kong Day Style》。對比上屆全年3萬人次、成交額逾2,500萬港元嘅紀錄，今年單靠三日展期預計人流已達上屆規模三倍以上，市場消化力可見一斑。展會由策展人駱嘉樑（Amaz Company Limited）主理，首度以AI CG技術令吉祥物「齊天大聖」動起來，同時揭開2027年亞洲巡迴展序幕，北京、雅加達站陸續有來。三日展期仲有周柏豪、伍漢邦、郭嘉駿等明星現場分享，《龍珠》、《海賊王》、《數碼暴龍》等IP同場登場，Kidult同一家大細都啱睇。