我要做車手 – BMW M2 Racing 115萬起

做車手最基本就好似《中年好司機》咁由小型賽車(卡丁車)鬥起，但有預算的話直接買部寶馬M2 Racing做入門車都得，重點係佢竟然有冷氣，著住套甲都唔使咁辛苦。

BMW M2 Racing由BMW M Motorsport團隊基於M235i Racing、M240i Racing同M2 CS Racing嘅賽道經驗打造，搭載2.0L直列四缸渦輪增壓引擎，輸出313 hp馬力同420 Nm峰值扭力，極速達270 km/hr，配七速ZF自動變速箱同獨立冷卻機械式限滑差速器。底盤用上KW Motorsport避震系統同BMW M高性能複合逼力，車廂內則有防滾架、滅火系統及Sabelt GT-AM賽車座椅，安全與操控兼備。

不過唔係話有錢就可以即刻拎車返去改，實際交付視乎BMW M Motorsport全球生產配額，仲有之後種種參賽、維修費用，做車手，邊個話平架？