BYD Sealion 6 DM-i 插電混能 SUV 香港開售｜$298,980 一缸油走 1,100km

BYD SEALION 6 DM-i正式在港發售，定價 HK$298,980。這是 BYD 首款在港推出的插電式混能（PHEV）SUV，最實際的賣點只有一個：呢部車平均油耗僅”5.5L/100km”，即每公里油費約HK$1.375；如果屋企有充電位，滿電綜合油耗更可低至 1.1L/100km，每公里油費跌穿三毫子。對比傳統油車動輒 10L/100km 的油耗，一年慳落嘅油費已經相當可觀。

駕駛體驗方面，DM-i 系統設計理念係「以電為主、以油為輔」，一般市區行駛，八成以上時間由電力驅動，駕駛感與純電動車無異，動力直接傳達，運行十分寧靜。0-100km/h 加速時間為 8.9 秒，反應線性而流暢，重點係冇傳統自動波果種頓挫感。系統會根據電量同路況，在 EV 純電、串聯、並聯、直驅四種模式之間自動切換，駕駛者基本上唔使理。純電 WLTP 續航 80 公里，夠晒日常通勤買餸；滿油滿電綜合續航達 1,100 公里（WLTP）——即係話你由香港入滿油叉滿電，理論上可以唔停站直去汕頭都仲有餘。

規格上，動力系統由 1.5L 高效引擎＋EHS 電動混能系統＋18.3 kWh 刀片電池三部分組成，充電採用 歐標 CCS2 制式，快充慢充都支援，仲有 V2L 對外放電功能——去露營可以直接用車供電煲水煮嘢食。車廂配備 15.6 吋觸控屏連 12.3 吋全液晶儀錶板，標配自動緊急煞車、車道維持輔助、盲點偵測及 360 度環景影像。

老實講，呢部車唔係追求推背感嘅性能機器，佢嘅定位好清晰：對於仍未接受電動車，又想抗衡高油價的人士，全新 BYD SEALION 6 DM-i 不失為理想對象呢個價位嘅 PHEV SUV，暫時香港市場冇乜直接對手。