Tokyo Auto Salon 2019 精華遊

東京Auto Salon終於曲終人散，一如所料，Tomica會場版依然係各路人馬代購首選、ignition models會場版、本地薑Tarmac Works各有粉絲，會場版火速售罄。至於傳說中嘅性感Model呢？這一層，各花入各眼啦……

同東京車展(Tokyo Motor Show)唔同，Tokyo Auto Salon主攻改裝車市場，場地亦由台場嘅東京國際展示場變成面積更大嘅幕張メッ。各大車廠今年都率領自家改裝品牌出戰，如豐田與TRD、本田及無限、日產與Nismo等，三菱、鈴木以及萬事得都有參與，新Mazda3成功搶去唔少焦點，Mazdaspeed版本更加係插針都插唔入。但全場最多嘅依然係鈴木Jimny，唔只官方展出兩部改裝版本，各大小參展商均用佢做場藍本進行改裝，幾乎每個場館都搵到佢嘅蹤影，今年推出Jimny嘅Dorlop、ERA Car、Tomica等等又會唔會考慮吓出改裝版呢？Liberty Walk、TOM’S、M’z SPEED、

既然今次係掛住《手推車》牌頭，當然要講吓首次參展嘅香港1/64車仔品牌Tarmac Works，今次佢哋一口氣拎咗六個攤位，展出由本地設計師Chino Lam設計拉花，DPLS x Tarmac Works嘅日產GT-R Nismo GT3賽車，賽車拉花嘅老虎圖案係以賽車運動員李英健為藍本，據知未來將推出1/64車模。此外，攤位亦擺放由台灣傳禾手作景品工作室特別製作的日本便利店場景，配合一系列會場版新車包括兩部RWB 930、本田Civic Type-R FK8、EK9等，連同一系列新車灰模、鐵模，包括首次公開嘅Subaru WRX STi台灣的士、可揭引擎蓋嘅本田NSX GT3等，讓人眼前一亮。無論去到邊度Tarmac Works都備受香港人嘅熱愛，第一日業內人士參觀已經遇到唔少香港朋友排隊買車，到第二日先開始多日本買家，結果會場版火速售罄，據知官方會將少量放於網店出售，有興趣嘅朋友可以留意吓。